البحث

بعد الهجوم عليه .. حنان مفيد فوزي تدعم محمد رمضان وتوجه له هذه الرسالة

منذ 2 شهر
February 27, 2020, 2:20 am
بعد الهجوم عليه .. حنان مفيد فوزي تدعم محمد رمضان وتوجه له هذه الرسالة

بعد الهجوم عليه حنان مفيد فوزي تدعم محمد رمضان وتوجه له هذه الرسالة

حرصت الإعلامية حنان مفيد فوزي، على دعم الفنان محمد رمضان، بعد ما يتعرض له من هجوم عقب الأزمات التي واجهته مؤخرًا.
ونشرت حنان عبر حسابها على “انستجرام” صورة تجمعها برمضان، وعلقت عليها قائلة: “أنا حقيقي مش قادرة أفهم إيه، ‏أسباب الحملة الشرسة اللي ضد محمد رمضان دي، الرجل ده شقي وتعب لحد ما وصل للي هو فيه، الراجل ده ممثل موهوب ومؤدي ‏للأغاني عنده كاريزما واللون اللي بيعمله مش شبه حد”.‏

وتابعت: “ودي بشهادة ملايين جوه وبره مصر بيتواجدوا ف حفلاته و بيشجعوه أظن أعداد الناس دي كلها مش فوتوشوب ربنا صرف ‏له نجاح و جماهيرية برضا والدته عليه وعلي فكرة ثقة ف الله نجاح دي جملة والدته لها كل التقدير وحتى لما بيتصور جنب ‏عربياته اعتبروها أما بنعمة ربك فحدث”.‏
وأضافت: “أظن أنا مش ممثلة ناشئة طمعانة في دور معاه عشان أقول الكلام ده ولا منتجة عايزة أتعاقد معاه على ‏فيلم ولا عندي برنامج عشان يطلع معايا فيه، الكلام ده لوجه الله لأنه بجد قصة نجاح وحتى لو حد مختلف عليه أو معاه مافيش حد ‏في الدنيا الناس كلها اتفقت عليه ده طبع الدنيا مع الأسف، وعلى فكرة الهجوم اللي عليه هيخليه يكسب أرضية جديدة لأن عنده إرادة ‏وعزيمة وثقة في الله و اللي بيذكر اسم الله جل جلاله في كل كلمة ربنا ينصره في كل خطوة”.‏
جدير بالذكر أن الفنان محمد رمضان قد واجه عدة أزمات خلال الفترة الماضية، بدأت بأزمة الطيار أشرف أبو اليسر، الموقوف بسبب صورة رمضان معه في ‏الطائرة، والذي أقام دعوى قضائية طالب فيها رمضان بتعويض مبلغ 25 مليون جنيه، مرورا بإلغاء دعوته لإحياء حفل مباراة السوبر المصري بين الأهلي والزمالك في استاد محمد بن زايد ‏بالإمارات‎، ثم قرار الفنان هاني شاكر بإعادة النظر في منحه تصاريح غناء مرة أخرى، وانتهت بتصريحاته ضد الفنان عمرو دياب خلال حواره على التليفزيون المصري.

هذا الخبر منقول من : القاهره 24





اشتراك في قناه جون المصرى | Youtube


















شارك بتعليقك
فيسبوك ()


نصائح للاستثمار الأفضل.. هل شهادات البنك 15% أو 12% ..الذهب.. العقار أم الدولار..تحليل جون المصري

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.